Wananchi Ruangwa walivyoipokea Yanga

Kikosi cha Yanga kimewasili Ruangwa mkoani Lindi kuelekea mchezo wa ligi kuu dhidi ya Namungo Fc utakaopigwa Jumamosi, August 15 kwenye uwanja wa Majaliwa.

Yanga imesafiri kwa ndege ya kukodi kutokea visiwani Zanzibar hadi Nachingwea ambako waliunganisha kwa basi kuelekea Ruangwa.

Mamia ya mashabiki walijitokeza kwa wingi kuwalaki mabingwa hao watetezi wa ligi kuu ya NBC ambao jana walianza msimu kwa kutetea Ngao ya Jamii kwa ushindi wa bao 1-0 dhidi ya Simba.