Yanga imeanza vyema kampeni ya kutetea taji la ligi kuu ya NBC kwa msimu wa sita mfululizo leo ikiichapa Namungo Fc mabao 3-1 katika mchezo uliopigwa uwanja wa Majaliwa, Ruangwa Lindi.
Ulikuwa mchezo ambao Yanga ilitawala kwa muda mwingi ikitengeneza mashambulizi mengi huku wapinzani wao wakicheza kwa kujilinda zaidi na kutumia mashambulizi ya kushitukiza.
Dakika 45 za kipindi cha kwanza zilimalizika kwa timu hizo kutoshana nguvu kwa suluhu ya bila kufungana licha ya Yanga kukosa nafasi kadhaa za wazi kupitia mshambuliaji wake kiongozi Peter Shalulile.
Yanga ilifanikiwa kufungua lango ya Namungo Fc dakika ya 68 kupitia kwa Chadrack Boka aliyemalizia mpira wa kona uliopigwa na Kangwanda.
Dakika nne baadae Maxi Nzengeli akaongeza bao la pili kwa shuti kali nje ya 18 lililomshinda mlinda lango.
Shambulizi kubwa Namungo Fc walifanya kwenye dakika ya 76 na kufunga bao pekee kupitia Helbert Lukindo.
Alikuwa ni Shalulile aliyefunga bao la tatu la Yanga dakika ya 89 akitumia makosa ya beki wa Namungo Fc Frank Magingi.
Ni alama tatu muhimu kwa Yanga ugenini ambazo zimewasogeza hadi nafasi ya pili kwenye msimamo wa ligi.
