Kuna kazi kubwa imefanywa na kocha wa viungo Tshepang 'Chyna' Mokaila katika msimu huu mpaka sasa.
Wakati wengi wakimsifu kocha Manqoba Mngqithi kwa mbinu zake ambazo mapema tu zimeanza kuwapa wakati mgumu timu pinzani, ni kwa sababu ana kundi la wachezaji ambao wameandaliwa kutekeleza mpango mkakati huo.
Katika mechi tatu za ligi kuu, Yanga imepachika mabao 11, huu ni uthibitisho ni kwa kiasi gani Yanga imewaacha mbali wapinzani wake.
Baada ya Manqoba kuteuliwa akapendekeza Mokaila aongezewe mkataba, wapo wachache 'hawakumuelewa' msimu uliopita lakini kile wanachoonyesha wachezaji sasa kinadhihirisha ule usemi kuwa changamoto iliyokuwa ikiitesa Yanga msimu uliopita ni uchovu zaidi kutokana na ufinyu wa kikosi.
Angalia kasi ya Yanga wanavyocheza wakiwa na mpira, lakini pia waangalie wanavyokimbia kuusaka mpira pale unapokuwa kwa wapinzani.
Kwa wastani Yanga imeweka umiliki wa mpira kwa asilimia 70, ikiwa ndio timu iliyoonyesha ubora mkubwa zaidi msimu huu.
Ni wazi wale waliokuwa na shaka na uwezo wa Mokaila sasa wamepata majibu kwa nini Yanga ilikubali kumuongezea mkataba baada ya pendekezo la kujumuishwa kwenye benchi la ufundi la Manqoba.
