Kiungo wa zamani wa Yanga, Khalid Aucho amejiunga rasmi na klabu ya Sidama Bunna FC ya Ethiopia baada ya kusitisha mkataba wake na Singida BS.
Aucho amesaini mkataba wa mwaka mmoja na klabu hiyo, akitarajiwa kuwa sehemu muhimu ya kikosi kinachojiandaa na changamoto za msimu mpya.
Sidama Bunna FC ilitwaa ubingwa wa Ligi Kuu ya Ethiopia msimu wa 2025/26, mafanikio yaliyoiwezesha kupata nafasi ya kushiriki Ligi ya Mabingwa Afrika msimu huu.
Hatua ya kujiunga na Sidama Fc inampa fursa ya kuendelea na safari yake ya soka nje ya Uganda, huku akirejea katika mazingira ya ushindani wa juu na kupata nafasi ya kushiriki michuano ya klabu bingwa Afrika.
Pengine bado Wananchi walihitaji kumuona kwa mara nyingine akirejea Jangwani lakini wazi suala la umri na changamoto ya majeraha ya mara kwa mara imechangia kwa uongozi wa Yanga kutua Congo kumsajili Fredy Ngoma katika jitihada za kuziba pengo lake.
