Kariakoo Derby: TFF yajizatiti kudhibiti matukio vyumba vya kubadilishia nguo

Shabiki NambaMoja By Shabiki NambaMoja
β€’
5 Oct 2026
Kariakoo Derby: TFF yajizatiti kudhibiti matukio vyumba vya kubadilishia nguo

Mtendaji Mkuu wa Bodi ya Ligi Kuu Tanzania (TPLB), Cornel Barnabas, amesema maandalizi ya mchezo wa ligi kuu ya NBC kati ya Simba dhidi ya Yanga utakaofanyika Oktoba 10 yamehusisha hatua mpya za kiusalama, ikiwemo matumizi ya kifaa maalum cha kugundua harufu katika vyumba vya kubadilishia nguo.

Cornel amesema kifaa hicho kitatumika katika mchezo huo wa Derby ya Kariakoo ikiwa ni sehemu ya hatua zinazochukuliwa kuhakikisha mazingira ya mchezo yanakuwa salama na yanazingatia taratibu zinazotakiwa.

Akizungumza na waandishi wa habari katika Makao Makuu ya TFF jijini Dar es Salaam, Cornel amesema kifaa hicho hakitatumika kwenye Kariakoo Derby pekee, bali kitaendelea kutumika pia katika michezo mingine ya Ligi Kuu Tanzania Bara.

Hatua hiyo imekuja kufuatia kuwepo kwa malalamiko ya muda mrefu zinapokuja mechi hizo ambapo mara kadhaa hasa klabu ya Yanga imegoma kuingia kwenye vyumba kutokana hofu ya uwepo wa dawa za kuwapunguza nguvu wachezaji.

FVS itatumika, TFF yaweka masharti

Katika hatua nyingine, Cornel, amesema makocha wa Simba na Yanga watapewa kadi mbili katika mchezo huo ambazo zitatumika kuomba review ya matukio kupitia mfumo wa FIFA Video Support (FVS).

Cornel amesema utaratibu huo ni sehemu ya hatua mpya za matumizi ya teknolojia katika kusimamia mechi za Ligi Kuu Tanzania Bara, huku makocha wakipewa nafasi ya kuomba mapitio ya matukio wanayoona yanahitaji kuchunguzwa zaidi.

"Kwenye mechi kutakuwa na Kadi nne za kuomba FVS itumike , Kila benchi litapewa hizi kadi mbili , linapotokea tukio ambalo benchi linahitaji msaada wa FVS ili haki itendeke litaonesha kadi juu na refa ataenda kwenye FVS. Sharti ni kwamba benchi linatakiwa kuonesha kadi yao juu ndani ya sekunde 60 haitakiwi kuchelewa hadi tukio lipite," alisema

Cornel amesema mfumo huo hautatumika kwenye Kariakoo Derby pekee, bali kadi hizo zitatumika pia katika michezo mingine ya Ligi Kuu Tanzania Bara.

Yanga SC Stories

Goals : Polisi Tanzania 0-2 Yanga, NBC PL (FT)
Goals : Polisi Tanzania 0-2 Yanga, NBC PL (FT)
10h ago
READ MORE β†’
FT : Polisi Tanzania 0-2 Yanga, NBC PL
FT : Polisi Tanzania 0-2 Yanga, NBC PL
10h ago
READ MORE β†’
Kikosi : JKT Tanzania vs Yanga, NBC PL, Nov 20
Kikosi : JKT Tanzania vs Yanga, NBC PL, Nov 20
14h ago
READ MORE β†’
Mudathir amemaliza adhabu, tayari kurejea kikosini
Mudathir amemaliza adhabu, tayari kurejea kikosini
18h ago
READ MORE β†’
Dladla awaaga Wananchi
Dladla awaaga Wananchi
19h ago
READ MORE β†’
Matchday; Polisi Tanzania vs Yanga, NBC PL, Nov 20
Matchday; Polisi Tanzania vs Yanga, NBC PL, Nov 20
19h ago
READ MORE β†’
Magazeti ya leo Ijumaa, Novemba 20 2026
Magazeti ya leo Ijumaa, Novemba 20 2026
22h ago
READ MORE β†’
Yanga yawasili Moshi tayari kuikabili Polisi Tanzania
Yanga yawasili Moshi tayari kuikabili Polisi Tanzania
1d ago
READ MORE β†’
Yanga yakamilisha maandalizi tayari kuifuata Polisi Tanzania
Yanga yakamilisha maandalizi tayari kuifuata Polisi Tanzania
1d ago
READ MORE β†’
Dikgacoi atamba Yanga ipo tayari kuivaa Polisi Tanzania
Dikgacoi atamba Yanga ipo tayari kuivaa Polisi Tanzania
1d ago
READ MORE β†’