Yanga imepoteza mchezo wa ligi kuu dhidi ya Simba leo ikikubali kipigo cha mabao 2-1 katika mchezo uliopigwa uwanja wa Uhuru.
Peter Shalulile aliitanguliza Yanga mapema kwa bao la dakika ya tano akimalizia pasi ya Maxi Nzengeli.
Hata hivyo unaweza kusema mpango wa kocha Manqoba Mngqithi leo haukufanya kazi mbele ya Simba waliotawala mchezo kwa muda mwingi na kulazimu Yanga wajilinde kwa muda mwingi.
Aidha kuumia kwa Duke Abuya mapema kwenye kipindi cha kwanza unaweza kusema kulivuruga mpango wa timu, Simba wakionekana kutawala eneo la kiungo.
Kipindi cha pili hakikuwa na mabadiliko makubwa upande wa Yanga wakibaki nyuma kwa muda mwingi na kuwaruhusu Simba kutawala mchezo.
Neo Maema akaifungia Simba bao la kusawazisha kabla ya Elie Mpanzu kufunga bao la pili dakika nne baadae.
Ni mchezo ambao unaweza kusema wachezaji wa Yanga wanapaswa kusahau haraka kwani hawakuwa katoka ubora uliotarajiwa.
Yanga ina siku tatu kabla ya mchezo mwingine dhidi ya TRA United utakaopigwa Oktoba 13 dimba la Sheikh Amri Abeid mkoani Arusha.
Ni matokeo ya mpira wa miguu, ziko nyakati za furaha lakini zipo nyakati za furaha kwa mpinzani wako.
Leo ni furaha kwa Simba hasa ikizingatiwa kabla ya mchezo huu walicheza misimu minne bila ya kupata ushindi dhidi ya Yanga kwenye ligi.
