Yanga imetinga hatua ya makundi ya michuano ya ligi ya Mabingwa (CAFCL) baada ya kuibuka na ushindi wa mabao 4-1 dhidi ya CFFA katika mchezo wa mkondo wa pili raundi ya kwanza uliopigwa uwanja wa Azam Complex.
Ibrahim Kazimoto alifungua ukurasa wa mabao Yanga kwenye kipindi cha kwanza kabla ya Seleman Mwalimu kuongeza mawili kwenye kipindi cha pili huku bao la nne likifungwa na Juma Abushir 'Chuga Boy'.
Kocha Mkuu wa Yanga Manqoba Mngqithi alitumia mchezo huo kuwapa nafasi baadhi ya wachezaji pia ukishuhudiwa urejeo wa beki Dickson Job aliyekuwa majeruhi kwa muda mrefu.
Yanga imetinga makundi kwa ushindi wa jumla wa mabao 8-1 kufuatia ushindi wa mabao 4-0 kwenye mchezo wa mkondo wa kwanza.
Matokeo hayo yameweka rekodi ya kibabe kwa Yanga wakifanikiwa kutinga hatua ya makundi kwa misimu minne mfululizo.
