Kikosi cha Yanga Princess kimeanza vyema kampeni ya ligi kuu ya Wanawake msimu huu (WPL) leo wakiichapa Geita Queens mabao 2-0 katika mchezo uliopigwa huko Geita.
Mesay 'The Shasha woman' ameendeleza mwanzo mzuri wa kuzifumania nyavu leo akifunga bao lake la pili.
Mesay pia alifunga bao kwenye ushindi wa mabao 3-0 dhidi ya Bunda Girls katika mchezo wa kwanza uliopigwa Mara.
Mwanzo mzuri kwa kikosi cha Yanga Princess ambacho kinaonyesha kuimarika baada ya kutofanya vyema kwenye michuano ya Ngao ya Jamii.
Kocha Said Maulid 'SMG' na benchi la ufundi wamefanya kazi kubwa kwenye uwanja wa mazoezi kikosi hicho kikiwa mpaka sasa hakijaruhusu bao.
Msimu huu mashabiki wa Yanga wanatamani kuona taji la ligi ya Wanawake linatua Jangwani kwa mara ya kwanza kwenye historia.
Ni msimu wa tano Yanga Princess inashiriki ligi ya Wanawake lakini haijawahi kutwaa ubingwa
