Kiungo wa Yanga Maxi Nzengeli ameanza matibabu maalum ya jeraha la goti ili kuhakikisha anarejea kikosi mapema kuendelea na majukumu yake.
Yanga inatarajiwa kumkosa Maxi kwa takribani wiki sita kutokana na jeraha la goti alilopata kwenye mchezo wa ligi kuu dhidi ya Kagera Sugar.
Katika kuhakikisha nyota huyo tegemeo anarejea kikosini mapema, Yanga imechukua hatua mapema ikimuweka chini ya uangalizi maalum.
Meneja wa mchezaji huyo, Nestor Mutuale amethibitisha kuwa Mcongomani huyo ameanza program maalum ya matibabu ambayo inalenga nyota huyo kupona jeraha mapema.
Maxi amekuwa 'injini' ya Yanga msimu huu akiondoka na tuzo sita za nyota wa mchezo katika mechi 10 za ligi kuu alizocheza mpaka sasa. Aidha pia amefunga mabao matatu huku akitoa pasi tatu za mabao.
Mkufunzi wa Yanga fadlu Davids analazimika kupata mbadala wake katika kipindi cha wiki sita ambazo atakosekana kikosini.