Baada ya kupoteza mchezo uliopita dhidi ya JKT Queens, kinadada wa Yanga Princess leo wamezinduka na kugawa dozi nzito kwa kinadada wa Kili Wonders.
Ni ushindi wa mabao 7-1 Yanga Princess wakiuandikisha kwenye uwanja wa KMC Complex katika mchezo wa ligi kuu ya Wanawake huku mwanadada Salamata akipiga hat-trik ya kwanza msimu huu.
Ushindi huo unaifanya Yanga Princess iandikishe ushindi wa tatu katika mechi ya nne msimu huu huku wakipachika mabao 12.
Mkufunzi wa Yanga Princess Said Maulid 'SMG' amesema kikosi chake kinaimarika hatua kwa hatua akiwa na matumaini makubwa ya kufanya vyema msimu huu
