Shalulile mabao saba Ligi Kuu, bado kuna maswali?

Shabiki NambaMoja By Shabiki NambaMoja
β€’
11m ago
Shalulile mabao saba Ligi Kuu, bado kuna maswali?

Mshambuliaji wa Yanga SC, Peter Shalulile, ameendelea kuwajibu kwa vitendo wale wote waliotilia shaka uwezo wake baada ya kufikisha mabao saba katika Ligi Kuu ya NBC, akipanda kileleni mwa mbio za kuwania tuzo ya ufungaji bora msimu huu.

Bao alilofunga jana dhidi ya Polisi Tanzania katika mchezo uliopigwa kwenye Uwanja wa Ushirika, Moshi, na kumalizika kwa ushindi wa mabao 2-0 kwa Yanga, limemfanya nyota huyo raia wa Namibia kufikisha mabao saba kwenye ligi.

Idadi hiyo inamuweka sawa na mshambuliaji wa Polisi Tanzania, Anuary Jabir, ambaye pia amefikisha mabao saba, ingawa kuna tofauti kubwa katika namna washambuliaji hao wawili walivyofikia idadi hiyo.

Wakati Shalulile akiwa amefunga mabao yake yote saba bila kutegemea mikwaju ya penati, Anuary Jabir amefunga mabao manne kati ya saba kupitia mikwaju ya penati.

Takwimu hizo zinaendelea kuonyesha ubora wa Shalulile mbele ya lango, huku mshambuliaji huyo akithibitisha kuwa bado ana makali ya kutosha licha ya baadhi ya watu kuhoji uwezo wake kutokana na umri.

Wakati Yanga ilipotangaza kumsajili Shalulile kutoka Mamelodi Sundowns ya Afrika Kusini, kulikuwa na mijadala mingi miongoni mwa wadau wa soka, huku baadhi wakiponda usajili huo kwa madai kuwa mshambuliaji huyo alikuwa ameshapitwa na wakati.

Wapo waliodai kuwa umri umemtupa mkono na kwamba asingekuwa na mchango mkubwa ndani ya kikosi cha Wananchi, lakini kile kinachoendelea uwanjani kwa sasa kinaonekana kutoa majibu tofauti kabisa.

Katika msimu wake wa kwanza akiwa na Yanga, Shalulile tayari amefikisha mabao nane katika mashindano yote, saba akifunga kwenye Ligi Kuu ya NBC na moja katika mchezo wa hatua ya awali ya Ligi ya Mabingwa Afrika dhidi ya Gaborone United.

Hizo ni takwimu zinazotoa picha ya mshambuliaji mwenye kiu ya kufunga, uzoefu mkubwa na uwezo wa kutumia nafasi anazotengenezewa na wachezaji wenzake.

Katika mchezo dhidi ya Polisi Tanzania, Shalulile alifunga bao la pili dakika ya 75 baada ya kumalizia pasi ya Clement Mzize, akionyesha uwezo wake wa kuchagua nafasi sahihi na kuwa tayari kumalizia mashambulizi.

Uwezo huo si jambo geni kwa Shalulile, ambaye alitua Yanga akiwa na historia kubwa ya mafanikio katika soka la Afrika Kusini.

Shasha Man aliondoka Mamelodi Sundowns baada ya kumaliza mkataba wake akiwa ameweka rekodi ya mabao 132 katika Ligi Kuu ya Afrika Kusini, rekodi iliyomfanya kutambulika kama mmoja wa washambuliaji hatari zaidi waliowahi kucheza kwenye ligi hiyo.

Uzoefu huo unaonekana kuendelea kumsaidia ndani ya Yanga, ambako licha ya kuwa katika mazingira mapya, ameweza kuzoea mfumo wa timu na kuanza kuonyesha thamani yake kupitia mabao.

Yanga SC Stories

Mzize huyo anarudi kwenye makali yake
Mzize huyo anarudi kwenye makali yake
35m ago
READ MORE β†’
Highlights; Polisi Tanzania 0-2 Yanga, NBC PL (FT)
Highlights; Polisi Tanzania 0-2 Yanga, NBC PL (FT)
1h ago
READ MORE β†’
Magazeti ya leo Jumamosi, Novemba 21 2026
Magazeti ya leo Jumamosi, Novemba 21 2026
1h ago
READ MORE β†’
FT : Polisi Tanzania 0-2 Yanga, NBC PL
FT : Polisi Tanzania 0-2 Yanga, NBC PL
14h ago
READ MORE β†’
Goals : Polisi Tanzania 0-2 Yanga, NBC PL (FT)
Goals : Polisi Tanzania 0-2 Yanga, NBC PL (FT)
14h ago
READ MORE β†’
Kikosi : JKT Tanzania vs Yanga, NBC PL, Nov 20
Kikosi : JKT Tanzania vs Yanga, NBC PL, Nov 20
17h ago
READ MORE β†’
Mudathir amemaliza adhabu, tayari kurejea kikosini
Mudathir amemaliza adhabu, tayari kurejea kikosini
22h ago
READ MORE β†’
Dladla awaaga Wananchi
Dladla awaaga Wananchi
22h ago
READ MORE β†’
Matchday; Polisi Tanzania vs Yanga, NBC PL, Nov 20
Matchday; Polisi Tanzania vs Yanga, NBC PL, Nov 20
23h ago
READ MORE β†’
Magazeti ya leo Ijumaa, Novemba 20 2026
Magazeti ya leo Ijumaa, Novemba 20 2026
1d ago
READ MORE β†’