Wakati Yanga ikitarajiwa kuondoka kesho Jumatatu kuelekea Nairobi Kenya kwa ajili ya mchezo wa kombe la Shirikisho dhidi ya Gor Mahia unaotarajiwa kupigwa siku ya Jumatano Julai 18, walinzi Hassani Kessy na Kelvin Yondani wanaweza kukosa mchezo huo.
Licha ya kumalizana na wachezaji wote waliokuwa wakiidai Yanga madeni ya nyuma, inaelezwa Kessy na Yondani hawajafanya mazoezi na kikosi hicho wakisubiri kukamilishwa kwa madai yao ya fedha za usajili kwa ajili ya kandarasi mpya.
Yanga iliweza kuwarejesha wachezaji wake wote kikosini baada ya kuwalipa madeni yao ya nyuma hata hivyo inaelezwa wapo baadhi ambao bado hawajalipwa fedha za usajili kwa ajili ya kandarasi mpya.
Mlinda lango Benno Kakolanya, walinzi Juma Abdul na Andrew Vicent waliweza kufanya mazoezi kwa siku kadhaa baada ya kumalizana na uongozi wa Yanga lakini kuna taarifa nao wana madai ya fedha za kandarasi mpya.
Mwenyekiti wa Kamati ya Usajili ya Yanga Hussein Nyika amesema wamekuwa wakifanya mazungumzo na mchezaji mmoja mmoja, amesema kila mwenye madai yake atalipwa.
Wakati hayo yakiendelea, Yanga inaendelea kusajili wachezaji wapya ambapo jana imewatambulisha winga Mrisho Ngassa na Deus Kaseke.
Ngassa amesaini mkataba wa mwaka mmoja akitokea klabu ya Ndanda FC wakati Kaseke amerejea na kusaini kandarasi ya miaka miwili akitokea klabu ya Singida United.'
Mpaka sasa Yanga imetambulisha usajili wa wachezaji watano ambao ni Mohammed Issa 'Banka', Jaffar Mohammed, Fiesal Salum 'Fei Toto', Mrisho Ngassa na Deus Kaseke.
Nyika amesema huenda akatambulisha usajili wa mchezaji mwingine kabla Yanga haijatimka kwenda Kenya. Mcongo Heritier Makambo anatajwa kuwa mchezaji huyo.
Licha ya kumalizana na wachezaji wote waliokuwa wakiidai Yanga madeni ya nyuma, inaelezwa Kessy na Yondani hawajafanya mazoezi na kikosi hicho wakisubiri kukamilishwa kwa madai yao ya fedha za usajili kwa ajili ya kandarasi mpya.
Yanga iliweza kuwarejesha wachezaji wake wote kikosini baada ya kuwalipa madeni yao ya nyuma hata hivyo inaelezwa wapo baadhi ambao bado hawajalipwa fedha za usajili kwa ajili ya kandarasi mpya.
Mlinda lango Benno Kakolanya, walinzi Juma Abdul na Andrew Vicent waliweza kufanya mazoezi kwa siku kadhaa baada ya kumalizana na uongozi wa Yanga lakini kuna taarifa nao wana madai ya fedha za kandarasi mpya.
Mwenyekiti wa Kamati ya Usajili ya Yanga Hussein Nyika amesema wamekuwa wakifanya mazungumzo na mchezaji mmoja mmoja, amesema kila mwenye madai yake atalipwa.
Wakati hayo yakiendelea, Yanga inaendelea kusajili wachezaji wapya ambapo jana imewatambulisha winga Mrisho Ngassa na Deus Kaseke.
Ngassa amesaini mkataba wa mwaka mmoja akitokea klabu ya Ndanda FC wakati Kaseke amerejea na kusaini kandarasi ya miaka miwili akitokea klabu ya Singida United.'
Mpaka sasa Yanga imetambulisha usajili wa wachezaji watano ambao ni Mohammed Issa 'Banka', Jaffar Mohammed, Fiesal Salum 'Fei Toto', Mrisho Ngassa na Deus Kaseke.
Nyika amesema huenda akatambulisha usajili wa mchezaji mwingine kabla Yanga haijatimka kwenda Kenya. Mcongo Heritier Makambo anatajwa kuwa mchezaji huyo.
ADVERTISE HERE
