Mchezo wa Yanga vs Gor Mahia kuchezwa usiku

Mchezo wa mzunguuko wa nne kombe la Shirikisho kati ya Yanga dhidi ya Gor Mahia utapigwa Jumapili ijayo, Julai 29 2018 saa moja jioni katika dimba la Taifa.

Akizungumza na waandishi wa habari mapema leo, AFisa Habari wa Yanga Dismas Ten amesema viingilio vya mchezo huo vimepunguzwa ili kuwapa nafasi mashabiki wengi kuipa nguvu timu yao.

Viingilio kwa upande wa VIP A ni Tsh 10,000/- wakati VIP B na C ni Tsh 7,000/- huku upande wa mzunguuko ikiwa Tsh 3,000/-

Yanga inahitaji kushinda mchezo huo ili kufufua matumaini ya kutinga raundi ya pili ambayo ni hatua ya robo fainali.