Huwezi kushinda kama hufungi

Kwa misimu mitatu mfululizo Yanga imetwaa taji la ligi kuu ya Vodacom. Pia katika kipindi cha miaka 10 Yanga imetwaa mataji saba!

Katika kipindi hicho Yanga imekuwa haikai zaidi ya misimu miwili bila kutwaa ubingwa tena.

Hii inadhihirisha ni kiasi gani uongozi wa Yanga katika kipindi chote hicho umekuwa makini kuandaa timu ya kutwaa mataji.

Niwaambie kitu, mpira unachezwa uwanjani na si pahala pengine popote. Wengine wanaweza kuwa mafundi wa kupiga mayowe huko nje lakini mwisho wa siku ukweli hujulikana.

Mkongwe na kocha wa zamani wa FC Barcelona marehemu Johan Cruyff alikuwa na msemo wake maarufu usemao : HUWEZI KUFUNGA KAMA HUPIGI LANGONI NA HUWEZI KUSHINDA KAMA HUFUNGI.

Safu ya ushambuliaji ya Yanga ni moto wa kuotea mbali.

Angalia msimu uliopita, licha ya mabalaa yaliyotukumba, ubingwa tuliuchukua sababu tu, tulikuwa na safu hatari zaidi ya ushambuliaji.

Mwaka huu itakuwa hivyo hivyo, washabiki wa Yanga wasitishwe na tambo za baadhi ya timu. Waambieni mpira unachezwa uwanjani na si kwenye magazeti au penginepo.

Kwanza waulizeni ivi kombe lao kutoka FIFA wameshakabidhiwa? Ni aibu kwa timu kutumia gharama kubwa kusajili wachezaji halafu mwisho wa siku mnalilia pointi za mezani.

Tukutane Agosti 23.