Yanga kucheza mechi tatu za kirafiki kabla ya kwenda Shinyanga

Kaimu Katibu Mkuu wa Yanga Omary Kaya amesema timu hiyo inakusudia kucheza michezo mitatu ya kirafiki kabla ya kwenda mkoani Shinyanga kuikabili Mwadui Fc Novemba 22 katika mchezo wa ligi kuu ya Tanzania Bara.

Baada ya mchezo dhidi ya African Lyon utakaopigwa kesho Jumapili kwenye uwanja wa Uhuru, siku ya jumatano Yanga inatarajiwa kucheza mchezo mwingine wa kirafiki dhidi ya Reha Fc inayoshiriki ligi daraja la kwanza

Kaya amesema Novemba 17 Yanga itasafiri kwenda mkoani Lindi kuikabili Namungo Fc kwenye mchezo mwingine wa kirafiki utakaopigwa katika uwanja wa Majaliwa, wilayani Ruangwa