Yanga yalia na waamuzi TPL

Mchezo wa jana kati ya Tanzania Prisons dhidi ya Yanga nusura uingie dosari kwenye kipindi cha kwanza kutokana na maamuzi mabovu ya waamuzi wa mchezo huo

Baadhi ya maamuzi yalikuwa na upendeleo wa dhahiri kwa wenyeji hali iliyopelekea kuwafanya wachezaji wa Yanga washindwe kuvumilia

Mara kadhaa kocha Mwinyi Zahera na benchi la ufundi walikuwa wakimfuata msimamizi wa mchezo kufikisha malalamiko kutokana na kutoridhishwa na mwenendo wa maamuzi

Afisa Habari wa Yanga Dismas Ten amewataka waamuzi wazingatie sheria 17 za mchezo wa soka katika maamuzi yao.

Ten amesema maamuzi ya mchezo wa jana yalilenga kuutia aibu mchezo wa soka kwani kulikuwa na viashiria vya dhahiri vilivyokuwa na lengo la kuvuruga mchezo huo.

Kocha Mwinyi Zahera alisema Mungu alisimama upande wa Yanga licha ya jitihada zilizofanywa na waamuzi kutaka timu hiyo ipoteze mchezo