Yanga haitanii msimu huu! Ndio kauli unayoweza kusema baada ya mabingwa hao wa kihistoria Tanzania kushusha kikosi chao kamili kwa ajili ya mchezo wa kombe la FA dhidi ya Tukuyu Stars leo.
Moja ya malengo makuu ni kuhakikisha timu inafanya vizuri kwenye michuano yote inayoshiriki, kikosi kilichopangwa na kocha Noel Mwandila kinadhihirisha hilo.
Boban ndani ya nyumba
Kiungo Haruna Moshi 'Boban' aliyetua Yanga kwenye dirisha dogo la usajili akitokea klabu ya African Lyon ameanzishwa kwenye mchezo huo sambamba na Feisal Salum, Ibrahim Ajib na Pius Buswita katika mfumo wa 4-4-2
Amisi Tambwe na Heritier Makambo wanaendelea kucheza pamoja huku walinzi wanne waliocheza mchezo dhidi ya African Lyon Gadiel Michael, Paulo Godfrey, Kelvin Yondani na Abdallah Shaibu wakiongoza safu ya ulinzi.
Mlinda lango Ramadhani Kabwili amepona lakini leo ameanzia 'bench' akimpisha Klaus Kindoki kulinda kango la Yanga.
Mchezo huo ni wa mtoano ambapo mshindi atatinga raundi ya nne ya michuano hiyo ambayo bingwa wake ataiwakilisha Tanzania Bara kwenye michuano ya kombe la Shirikisho Barani Afrika msimu ujao.
