Licha ya msemaji wa Simba Haji Manara kutamba kuwa wana kikosi kipana kinachoweza kucheza michezo miwili kwa wakati mmoja, mambo yamewaharibikia tena baada ya Simba kuchapwa mabao 3-2 na Mashujaa Fc ya kutoka mkoani Kigoma katika mchezo wa kombe la FA (ASFC) raundi ya tatu uliopigwa kwenye uwanja wa taifa.
Simba imeondoshwa kwenye michuano ya kombe la FA katika raundi ta tatu, kama ilivyokuwa msimu uliopita walipoondoshwa na Green Worriors.
Sasa Simba italazimika kutwaa taji la ligi kuu ili iweze kushiriki michuano ya Kimataifa msimu ujao. Swali ni kwamba Papaa Mwinyi Zahera anayeongoza ligi dhidi yao kwa tofauti ya alama 17 atakubali hilo jambo litokee? Kuna kila dalili hawatapanda ndege msimu ujao!
Matokeo ya mchezo mwingine uliopigwa leo, Mtibwa Sugar imeilaza Kiluvya United kwa mabao 3-0
