Aliyekuwa Mjumbe wa Kamati ya Utendaji ya Yanga Salum Mkemi ambaye alijiuzulu nafasi yake mwaka jana, ametangaza kurudi katika nafasi hiyo baada ya barua yake ya kujiuzulu kutojibiwa na uongozi wa Yanga.
Kulingana na taarifa iliyosambaa kwenye mitandao ya kijamii inayodaiwa kutolewa na Mkemi, amesema amerudi rasmi katika nafasi yake ya Ujumbe wa Kamati ya Utendaji kuanzia leo Ijumaa, Januari 11, 2019 baada ya barua yake ya kujiuzulu kukosa majibu
Aidha Mkemi amesema viongozi waliopo Yanga kwa sasa hawatoshi (akidi) kuijadili barua hiyo hivyo ameamua kurudi katika majukumu yake katika Kamati ya Utendaji ya Yanga
Mkemi amefikia uamuzi huo muda mfupi baada ya TFF kutangaza kusitisha uchaguzi wa kujaza nafasi zilizowazi katika klabu ya Yanga baada ya baadhi ya wanachama wa klabu hiyo kuuzuia uchaguzi Mahakamani.
Uchaguzi huo ulikuwa ufanyike keshokutwa, Januari 13, 2019
