Alex Kitenge ndiye aliyeifungia Stand United mabao matatu ilipokutana na Yanga kwenye mchezo wa mzunguuko wa kwanza uliopigwa uwanja wa Taifa ambapo Stand ilichezea kichapo cha mabao 4-3
Hata hivyo mshambuliaji huyo aliachana na Stand United mwishoni mwa duru ya kwanza akitimkia Macao kujiunga na klabu ya HangSani
Mpaka anaondoka Stand, Kitenge alikuwa amefunga mabao hayohayo matatu
Huo ndio mchezo ambao ulipelekea mlinda lango Klaus Kindoki akapoteza imani ya mashabiki wa Yanga kwake
Lakini mchezo huo ulikuwa miongoni mwa michezo ya mwanzoni mwa msimu wakati huo kikosi cha Yanga kikiwa hakijaiva sawasawa
Mchezo wa kesho utakuwa na utofauti. Wakati huu Yanga iko kileleni mwa msimamo wa ligi ikiwa inasaka ushindi ili kuendelea kuziacha timu nyingine kwenye mbio za ubingwa
Yanga inaongoza ligi kwa tofauti ya alama 12 dhidi ya Azam Fc inayoshika nafasi ya pili, na alama 19 dhidi ya KMC inayoshika nafasi ya tatu
Wakati TFF ikiipa 'likizo' Simba inayodai kubanwa na michuano ya ligi ya mabingwa, Yanga inatumia fursa hiyo kuhakikisha inashinda michezo yake yote ili ikiwezekana itangaze ubingwa mapema
