Kocha Mkuu wa Yanga Miwnyi Zahera amesema timu yake leo haikuwa na bahati katika mchezo dhidi ya Stand United.
Mchezo huo uliomalizika kwa wenyeji kuibuka na ushindi wa bao 1-0, uliishuhudia Yanga ikishindwa kuzitumia nafasi kadhaa ilizotengeneza
Akizungumza baada ya mchezo huo Zahera amesema Yanga ilitengeneza nafasi tatu lakini ilishindwa kuzitumia wakati Stand United wamepata nafasi moja tu na kuitumia
"Hatukuwa na bahati kwenye mchezo wa leo. Tulilazimika kucheza mipira ya juu kutokana na hali ya uwanja,tumepiga krosi nyingi ila wachezaji walikosa bahati ya kufunga," amesema Zahera
"Stand United hawajafanya maajabu yoyote, wamepata nafasi moja na kuweza kuitumia"
Kikosi cha Yanga kinatarajiwa kurejea jijini Dar es salaam kesho kwa ajili ya kushiriki michuano ya SportPesa Super Cup ambapo Jumanne itashuka dimbani kupambana na K Sharks kwenye mchezo wa robo fainali
Michuano hiyo inaanzia hatua ya robo fainali
