Yanga Princess inakamilisha ratiba tu ligi ya Wanawake

Akina dada wa Yanga Princess leo wanashuka dimba la Karume kuwakabili Evergreen Queens katika mchezo wa ligi kuu ya Wanawake

Mpaka sasa Yanga Princess imeshinda michezo miwili tu na kupoteza michezo mitano, ikipokea vipigo vizito michezo mitatu iliyopita

Ilifungwa 7-0 na Simba Queens, ikachapwa 4-1 na Baobab Queens na majuzi ikatandikwa 8-1 na JKT Queens

Ni dhahiri Yanga haikuwa imejipanga kuendesha timu ya Wanawake msimu huu na pengine kinachotakiwa kufanyika ni kuhakikisha timu hiyo haiteremki daraja ili msimu ujao kiundwe kikosi imara

Tofauti na ligi kuu, ligi ya Wanawake ina mdhamini (Bia ya Serengeti) na ushindani katika ligi hiyo umeanza kuongezeka

Yanga Princess ilipanda daraja mwaka jana kwa kuibuka mabingwa wa ligi daraja la kwanza