Mshambuliaji wa Yanga Amissi Tambwe amesema chini ya kocha Mwinyi Zahera wana nafasi kubwa ya kutwaa ubingwa wa ligi kuu msimu huu kutokana na kocha huyo kuwa na mbinu nyingi
Tambwe ambaye amefunga mabao sita kwenye ligi mpaka sasa, amesema licha ya ugumu wa ligi katika mzunguuko wa pili, anaamini wataendeleza makali waliyomalizana nayo mzunguuko wa kwanza
Amesema wamesahau matokeo ya kufungwa mchezo uliopita na wanajipanga kikamilifu kuhakikisha wanatimiza lengo la kutwaa ubingwa
"Naiona nafasi ya timu yangu kufanya vizuri msimu huu, tumepoteza mchezo mmoja lakini tunaendelea kukaa kileleni mwa msimamo wa ligi, tunaweza kuendeleza makali yetu," amesema.
"Tuna kocha mzuri, ana mbinu nyingi ambazo tunauhakika zitatusaidia kutwaa ubingwa msimu huu, kila mchezo kocha amekuwa akitupa mbinu za kushinda"
Tambwe amerejesha makali yake ya kuzifumania nyavu. Katika michuano ya SportPesa alifunga bao moja kwenye mchezo dhidi ya K. Sharks uliomalizika kwa Yanga kufungwa mabao 3-2
Bao la pili la Yanga lilifungwa na Haritier Makambo
