Yanga dimbani Mkwakwani leo kuikabili Coastal Union

Vinara wa ligi kuu ya Tanzania Bara Yanga wako mkoani Tanga ambapo leo wanashuka katika dimba la Mkwakwani kuikabili Coastal Union katika mchezo wa ligi kuu ya Tanzania Bara

Mratibu wa Yanga Hafidh Saleh amesema wachezaji wako katika hali nzuri na wana matumaini makubwa ya kufanya vizuri katika mchezo huo unaotarajiwa kuwa na ushindani mkali

Kocha Mwinyi Zahera huenda leo akafanyia mabadiliko safu yake ya ulinzi ambayo katika michezo ya hivi karibuni imekuwa ikiruhusu kufungwa mabao mepesi

Matokeo ya ushindi yataifanya Yanga iendelee kujikita kileleni mwa msimamo wa ligi kwa tofauti ya alama tisa dhidi ya Azam Fc inayofuata katika nafasi ya pili