Kiungo mkongwe Thabani Kamusoko amesema moja ya changamoto inayoikabili Yanga sasa ni kukamiwa na timu zote hivyo kuifanya michezo yote kuwa kama fainali kwao
Akizungumza baada ya matokeo ya sare ya bao 1-1 dhidi ya Coastal Union jana, Kamusoko alisema wenyeji walikamia mchezo huo lakini Yanga watajilaumu wenyewe kwa kushindwa kuibuka na ushindi
"Sisi tulitengeneza nafasi nyingi tukashindwa kuzitumia wao wamepata nafasi moja na wakaitumia," alisema Kamusoko
"Tunajua michezo yetu yote ni kama fainali, kila timu tunayokutana nayo inatukamia kutufunga lakini tutaendelea kupambana kuhakikisha tunapata matokeo katika kila mchezo"
Matokeo ya jana ilikuwa sare ya tatu kwa Yanga msimu huu. Bado inaongoza ligi kwa tofauti ya alama saba dhidi ya Azam Fc inayoshika nafasi ya pili
