Vinara wa ligi kuu ya Tanzania Bara Yanga wameendelea kujichimbia kileleni mwa msimamo wa ligi baada ya kuichapa JKT Tanzania bao 1-0 katika mchezo uliopigwa dimba la Mkwakwani mkoani Tanga
Bao pekee la Yanga katika mchezo huo lilifungwa na Feisal Salum 'Fei Toto' kwenye dakika ya 26 akimalizia kazi nzuri iliyofanywa na Gadiel Michael
Gadiel aliambaa na mpira wingi ya kushoto kabla ya kumimina majaro ya chinichini iliyokutana na mguu wa Fei Toto
Mchezo huo haukuwa mwepesi kwani JKT Tanzania ilitoa upinzani mkali lakini ushindi kwa Yanga ndio matokeo muhimu zaidi
Yanga imezidi kujichimbia kileleni baada ya kufikisha alama 58
Aidha leo kwa mara ya kwanza kiungo Mohammed Issa 'Banka' aliitumikia Yanga akiingia kuchukua nafasi ya Mrisho Ngasa kwenye kipindi cha pili
