Sakata la mlinda lango Beno Kakolanya limepelekwa kwa shirikisho la soka Tanzania (TFF) baada ya Mwanasheria wa mlinda lango huyo Leopnard Richard kushindwa kufikia mwafaka na uongozi wa Yanga
Mwanasheria huyo aliuandikia barua uongozi wa Yanga akitaka kuvunjwa kwa mkataba wa mteja wake ambaye hayuko katika kikosi cha Yanga tangu Novemba 2018
Kakolanya aligoma kuitumikia Yanga akishinikiza alipwe sehemu ya fedha za usajili ambazo hakuwa amemaliziwa na malimbikizo ya mishahara
Hivi karibuni uongozi wa Yanga kupitia kwa Kaimu Mwenyekiti wake Samwel Lukumay ulitoa taarifa kuwa mlinda lango huyo haidai Yanga kwani tayari alishalipwa stahiki zake zote
Hata hivyo walishangazwa na hatua ya Kakolanya kupitia Mwanasheria wake kuandika barua ya kutaka kuvunjwa kwa mkataba wake
Kakolanya alisaini mkataba wa miaka miwili kuitumikia Yanga mwanzoni mwa msimu. Hivyo licha ya kuwa hayuko kikosini, nyota huyo bado ni mali ya Yanga
