Yanga safarini Lindi, yaifuata Namungo FC

Msafara wa wachezaji 20 wa Yanga na viongozi wakiwemo wa benchi la ufundi, umeondoka leo Ijumaa asubuhi kuelekea mkoani Lindi kwa ajili ya mchezo wa kombe la FA (ASFC) dhidi ya Namungo Fc.

Mchezo huo utapigwa keshokutwa Jumapili, Februari 24 katika uwanja wa Majaliwa wilayani Ruangwa

Msafara unaongozwa na Mwenyekiti wa Kamati ya Mashindano Hussein Nyika

Yanga itatinga robo fainali ya michuano hiyo kama itaibuka na ushindi dhidi ya Namungo inayoongoza kwenye msimamo wa ligi daraja la kwanza, kundi A