Kocha Mkuu wa Yanga Mwinyi Zahera amesema tayari ana majina ya wachezaji sita wa kigeni ambao anakusudia kuwasajili kwa ajili ya kukiimarisha kikosi cha Yanga msimu ujao
Akizungumza kwenye Mkutano wa viongozi wa Matawi ya klabu ya Yanga ambao yeye alialikwa, Zahera amesema mipango hiyo itafanikiwa kama Wana Yanga watachangia fedha za kutosha
"Watu wahamasishane kuhusu kuichangia Yanga SC, nimepanga kuisuka klabu hii msimu ujao ambapo nitaleta wachezaji 6 wageni wazuri kwa gharama ndogo kuzidi hata wazawa," amesema Zahera
Katika Mkutano huo ambao ulifanyika leo Alhamisi Makao Makuu ya klabu ya Yanga, viongozi wa matawi waliafikiana kuendeleza ushawishi kwa wanachama ili wajitoe kuichangia timu kuweza kufikia malengo
Katika kutambua mchango wake kwa klabu ya Yanga, Zahera atatunukiwa kadi ya heshima ya uanachama wa Yanga
