Baada ya hapo jana kuripotiwa taarifa ya kuumwa kwa Mwanachama maarufu wa Yanga Mzee Ibrahim AKilimali ambaye ni Katibu wa Baraza la Wazee, loe amejitokeza na kukanusha taarifa hizo
Mzee Akilimali amesema hana tatizo lolote la kiafya na ili kuwadhihirishia waandishi wa habari kuwa yupo imara, akapiga pushapu huku akitishia kuwafikisha mbele na vyombo vya sheria wanaomzushia kuumwa
"Sina tatizo lolote kiafya naomba niwathibitishie Watanzania kwa kupiga pushapu na naomba muwafikishie taarifa hao wanaonichafua kutwa kuwa mimi ni mgonjwa. Nahitaji misaada na nipo katika michakato ya kuwashtaki hao wanaonitangazia ugonjwa."
"Nawapa wiki tatu kuniomba radhi wamewaongopea watu kwamba mimi naumwa taabani na ninaomba misaada. Sasa nawaomba watumie vyombo vyao hivyo hivyo walivyonitangazia kukanusha taarifa hizo na kuniomba msamaha," amesema Mzee Akilimali.
Taarifa za kuumwa kwa Mzee Akilimali ziliripotiwa kwa mara ya kwanza na gazeti ya Spoti Xtra
