Vinara wa ligi kuu ya Tanzania Bara, Yanga leo wako mkoani Iringa ambapo watacheza na Lipuli Fc katika mchezo utakaopigwa saa kumi jioni dimba la Samora
Kikosi cha Yanga kiko mkoani Iringa tangu juzi kikijifua tayari kwa mchezo huo unaosubiriwa kwa hamu na mashabiki wa soka mkoani Iringa na maeneo ya jirani
Yanga inashuka dimbani bila ya kocha wake Mwinyi Zahera ambaye anakabiliwa na majukumu ya timu ya Taifa. Kocha Msaidizi, Noel Mwandila atakuwa na jukumu la kuiongoza Yanga kwenye mchezo huo
Meneja Nadir Haroub amesema wachezaji wote wako katika hali nzuri, wana matumaini makubwa ya kuibuka na ushindi leo
Ushindi utaifanya Yanga iendelee kuitimulia vumbi Azam Fc iliyofikisha alama 59 baada ya hapo jana kuifunga Singida United mabao 4-0
ADVERTISE HERE
