Afisa Habari wa Yanga Dismas Ten amesema uongozi wa Simba utahusika kama kuna jambo lolote baya litamtokea kocha Mwinyi Zahera kutokana na kauli za uchochezi zilizotolewa na msemaji wa Simba Haji Manara
Manara jana alitoa kauli za uchochezi dhidi ya kocha Zahera wakati akihojiwa na redio mbalimbali kuzungumzia mchezo wa ligi ya mabingwa kati ya Simba dhidi ya AS Vita Club utakaopigwa leo katika dimba la Taifa
"Kauli za kichochezi dhidi ya kocha Zahera Mwinyi, wana Yanga wote tuamini kuwa jambo lolote baya litakalo mpata kocha wetu basi Uongozi wa Simba unahusika," amesema Ten
"Kama sivyo, viongozi wa Simba wajitokeze hadharani kukanusha au kuzikemea kauli hizo"
"Soka ni mchezo wa kiungwana, vipi wengine waugeuze kuwa sehemu ya uchochezi na ubaguzi?"
Pichani juu ni wakati Rayon Sports ilipokuja kucheza na Yanga mchezo wa kombe la Shirikisho ambapo kiungo Haruna Niyonzima na aliyekuwa kocha msaidizi wa Simba Masudi Djuma walifika katika hotel ya timu hiyo kusalimiana na ndugu zao kutoka Rwanda
Jana Manara alidai kitendo cha Zahera kwenda kuwasalimia AS Vita Club ni cha hujuma!
