April 17 michezo ya ligi ilipangwa kuchezwa saa nane mchana sababu ikitajwa michuano ya AFCON U17 hasa kwa kuwa Serengeti Boyz ilikuwa ikishuka dimbani saa kumi jioni kuchuana na Uganda
Hata hivyo leo licha ya Serengeti Boyz kushuka dimbani saa kumi jioni kuchuana na Angola, Bodi ya ligi imebadili muda wa mchezo kati ya Kagera Sugar dhidi ya Simba kutoka saa nane na kuwa saa kumi kamili jioni
Kimsingi, mapema kabla ya michezo ya juzi wadau walilalamikia uamuzi wa TFF wa kubadili muda wa michezo kwa kisingizo cha AFCON U17 lakini maoni yao yalipuuzwa
Lakini leo kwa kuwa ni Simba peke yake inayoshuka dimbani wameona ni vyema kubadili muda wa mchezo huo
Naamini kama ingekuwa ni timu nyingine ambayo ilipaswa kucheza saa nane, muda huo usingebadilishwa
Uamuzi huu ni wa hovyo kwa kuwa unadhihirisha upendeleo wa TFF kwa baadhi ya timu.
Kuna timu nyingi tu msimu huu zilipangiwa kucheza saa nane na michezo ikafanyika lakini huu wa Simba kwa nini ubadilishwe muda saa chache kabla ya mchezo?
Huu ni upendeleo wa dhahiri, na hakika hali hii inadhihirisha kwa nini Simba mpaka leo imeshuka dimbani mara 23 tu huku ligi ikipaswa kumalizika katika kipindi cha wiki nne
Hii ni aibu kwa soka la Tanzania, tusijidanganye, hatuwezi kusonga mbele kwa utaratibu huu
