Kocha Mkuu wa Yanga Mwinyi Zahera amesema walinda mlango Klaus Kindoki na Ramadhani Kabwili wote nafasi sawa na kucheza katika kikosi cha Yanga
Katika michezo ya hivi karibuni, Kindoki amekuwa akipata nafasi zaidi ya Kabwili ambaye naye alipata nafasi zaidi wakati Yanga ilipoachana na aliyekuwa mlinda lango wake namba moja Beno Kakolanya
Hata hivyo Zahera amesema hakuna mlinda lango namba moja wala namba mbili kati yao, yeyote anaweza kutumika katika mchezo wowote
"Hakuna golikipa namba moja, ninaweza nikaamka nikasema fulani ataanza leo, hakuna mwenye nafasi kuliko mwingine," amefunguka Zahera
Yanga imewategemea walinda lango hao wawili tangu ilipoachana na Kakolanya
Uongozi wa timu hiyo uko katika mchakato wa kusajiliwa mlinda lango mwingine atakayechukua nafasi ya Kakolanya msimu ujao
