Mwili wa Mwenyekiti Mtendaji wa Makampuni ya IPP Dk Reginald Mengi umeagwa leo ukumbi wa Karimjee jijini Dar es salaam ambapo Rais wa Jamhuri ya Muungano wa Tanzania Dk John Magufuli amewaongoza mamia ya waombolezaji kumuaga Mfanyabiashara huyo aliyegusa watu wengi wakiwemo walemavu na watu wenye mahitaji maalum aliokuwa akiwasaidia enzi za uhai wake.
Baada ya kuagwa leo, mwili wa Dk Mengi utasafirishwa kesho kwenda Machame, Moshi kwa ajili ya mazishi yatakayofanyika keshokutwa Alhamisi
Enzi za uhai wake Dk Mengi alikuwa ni mdau mkubwa wa michezo, alikuwa Mwanachama wa Yanga akishiriki kuifadhili timu hiyo kwa nyakati tofauti
Mpaka mauti yanamfika, Dk Mengi alikuwa mlezi wa timu ya Tafa ya Vijana chini ya miaka 17, Serengeti Boys ambapo mwezi uliopita alishiriki kikamilifu kuisimamia timu hiyo kwenye michuano ya AFCON ya vijana
