Wakati Simba ikitamba kumnasa Ibrahim Ajib, Kiungo Said Ndemla amegoma kusaini mkataba mpya kunako klabu hiyo na huenda akatua Yanga
Inaelezwa Ndemla 'amejiondoa' katika kikosi cha timu hiyo akisubiri mkataba wake umalizike aanze maisha sehemu nyingine
Kiungo huyo mwenye mashuti makali, licha ya umahiri wake, amekosa nafasi kwenye kikosi cha kwanza hiyo ikiwa sababu kuu ya kumfanya atake kuondoka
Juzi zilisambaa taarifa kuwa baada ya kugoma kusaini mkataba mpya, uongozi wa Simba uliamua kumuondoa kambini
Hata hivyo mwenyewe amekanusha taarifa hizo akisema kuwa hayuko kambini na Simba kwa kuwa anaumwa
cut"Tetesi zote ambazo zimekuwa zikisemwa juu yangu naweza kusema zitabaki kuwa tetesi ila mipango kamili naijua mwenyewe," amesema Ndemla
"Taarifa za mimi kutolewa kambini kisa niligoma kusaini Simba, hazina ukweli, mimi ninaumwa sasa ni wiki nipo tu nyumbani naendelea na matibabu"
"Sina mpango wa kusaini Simba mapema, najipanga kuangalia dili langu la kucheza nje ya nchi, endapo nitakwama basi nitakuwa tayari kusaini Yanga au kuongeza mkataba Simba kama watakuwa bado wanahitaji huduma yangu"
