Klabu ya APR imetishia kupeleka malalamiko FIFA kupinga usajili wa Issa Birigimana aliyetua Yanga kwa mkataba wa miaka miwili
APR inadai kuwa winga huyo alikuwa na mwaka mmoja uliokuwa umebaki katika kataba wake aliosaini awali
Uongozi wa Yanga umesema uko tayari kufanya mazungumzo na APR kutatua changamoto yoyote (kama ipo)
Makamu Mwenyekiti wa Yanga Fredrick Mwakalebela amesema walifuata taratibu zote kumsajili kiungo huyo lakini wako tayari kusikiliza malalamiko ya APR
"Hatukupokea malalamiko rasmi kutoka kwa APR, tumesikia kupitia vyombo vya habari," amesema Mwakalebela
"Tulimsajili Birigimana kwa kufuata taratibu zote kama zilivyoainishwa na FIFA lakini kama APR wana malalamiko tutawasikiliza ili kutatua changamoto yoyote kama itakuwepo"
Birigimana alisajiliwa Yanga pamoja na Patrick Sibomana ambaye pia alitokea Rwanda katika klabu ya Mkura Victory
