Mkuu wa Habari na Mawasiliano klabu ya Yanga Dismas Ten amesema usajili wa timu hiyo umekamilika kwa asilimia 80 mpaka 90 kwa kuzingatia mapendekezo yaliyoachwa na kocha Mwinyi Zahera
Akihojiwa na UFM Radio mapema leo, Ten amesema usajili wa timu hiyo unafanywa kwa umakini mkubwa na unafuata sifa na vigezo vyote vilivyoachwa na Zahera
"Katika orodha ya wachezaji ambao kocha alitaka wasajiliwe, usajili wao umekamilika kwa asilimia 80 mpaka 90," amesema
"Patrick Sibomana ni miongoni mwa wachezaji wapya waliosajiliwa, kila mtu alimuona alipokuja nchini"
"Sibomana amecheza ligi ya Rwanda kwa mafanikio makubwa, ligi inaonekana na kila mmoja ameuona uwezo wake"
"Mwalimu alihitaji wachezaji wenye vipaji, wachezaji imara na wenye uwezo kwa ajili ya kutengeneza kikosi imara cha mashindano msimu ujao"
"Msimu huu tumecheza vizuri lakini hatukupata nafasi ya kuwa mabingwa wala nafasi ya kushinda kombe la FA"
"Tunatizama sasa mashindano ya msimu ujao tuhakikishe tunarejesha mataji yetu kama ilivyokuwa misimu ya nyuma"
