Kocha Mkuu wa Yanga Mwinyi Zahera amedai kushangazwa na taarifa anazozisikia kuwa viongozi wa Yanga wanafanya majadiliano ya kumpa mkataba mpya nahodha wa timu hiyo Ibrahim Ajib
Zahera amesema alishamuondoa Ajib kwenye mipango yake baada ya mchezaji huyo kutakiwa kujiunga na TP Mazembe
Zahera ambaye yuko Hispania katika majukumu ya timu ya Taifa ya DR Congo inayojiandaa na fainali za AFCON 2019, amesema taarifa za uwepo wa majadiliano hayo hazifahamu
"Baada ya TP Mazembe kumtaka na mwenyewe kukubali kujiunga nao, nilimuondoa katika mipango ya kikosi changu cha msimu ujao," amesema
"Ripoti niliyowaachia viongozi inabainisha wachezaji wote tunaowahitaji kwa ajili ya msimu ujao, Ajib hayumo"
Hivi karibuni Ajib alikana taarifa zinazodai kuwa alishasaini mkataba wa awali na klabu ya Simba, kinachosubiriwa ni mkataba wake na Yanga kumalizika Juni 30 ili atambulishwe
"Sijasaini Simba wala Yanga ingawa yapo mazungumzo yanaendelea. Yakikamilika kila kitu kitawekwa hadharani naweza kucheza timu yoyote hata Yanga kama tutakubaliana"
