Katibu wa Kamati ya Hamasa na Uchangishaji Yanga Deo Mutta amesema Kamati hiyo inahitimisha kazi yake kwa kuandika Historia siku ya Jumamosi Juni 15 2019 katika tukio la Harambee ya KUBWA KULIKO litakalofanyika ukumbi wa Diamond Jubilee jijini Dar es salaam
Akizungumza na waandishi wa habari leo Makao Makuu ya klabu ya Yanga Jangwani jijini Dar es salaam, Mutta amesema tukio hilo la Jumamosi ni mwendelezo wa matukio ya kuichangia Yanga yaliyozinduliwa mkoani Dodoma April 06 2019
Amesema mkoani Dodoma walizindua kampeni ambayo lengo lake lilikuwa kuhakikisha mikoa yote ya Tanzania Bara na Visiwani inaweza kushiriki katika kuichangia Yanga
Amesema zoezi hilo limefanikiwa kwa kiasi kikubwa
Tukio la Diamond Jubilee litakamilisha kazi ya kamati yao iliyoundwa maalum kufanikisha upatikanaji wa fedha kuiwezesha Yanga kuboresha kikosi chake
Mutta amesema maandalizi kuelekea tukio hilo litakaloanza saa nne asubuhi mpaka saa 10 jioni yamekamilika kwa asilimia 90
Wadau mbalimbali kutoka ndani na nje ya nchi wamealikwa kwenye tukio hilo Kubwa Kuliko
cutMiongoni mwa wageni walioalikwa ni Wazee waliotengeneza Historia katika klabu ya Yanga, Wachezaji waliowahi kucheza Yanga, Wasanii mbalimbali (muziki na bongomuvi), Wanachama wa Yanga, wapenzi na mashabiki wa timu hiyo
Amesema Jumamosi Yanga itaandika historia ambayo itabaki kwenye vitabu vya kumbukumbu kwa miaka mingi
