Uongozi wa Yanga uko kwenye mchakato wa kukamilisha usajili wa mlinda lango wa Bandari Fc Farouq Shikalo ambaye ni pendekezo la kocha Mwinyi Zahera
Ujio wa Shikalo utaifanya Yanga iwe na walinda lango wawili wa kigeni
Kuna taarifa kwamba ujio huo wa Shikalo utapelekea Kindoki atolewe kwa mkopo, klabu ya Singida United ikitajwa
Aidha Yanga pia inadaiwa kuwa imemsajili aliyekuwa kipa wa Azam Fc Metacha Mnata aliyeitumikia kwa mkopo Mbao FC
Licha ya mashabiki wengi kupinga uwepo wa Kindoki kwenye kikosi cha Yanga, mchezaji huyo bado ana mkataba wa mwaka mmoja
Njia pekee ya kuachana nae ni kuvunja mkataba wake kwa kumlipa fedha zilizoainishwa katika makubaliano ya mkataba au kumtoa kwa mkopo
Kindoki alisajiliwa na Yanga kuchukua nafasi ya Youthe Rostand ambaye mkataba wake ulivunjwa
Kama Yanga itavunja mkataba wa Kindoki atakuwa mlinda lango wa pili kuvunjiwa mkataba katika kipindi cha mwaka mmoja
