Yanga yasogeza mbele Tamasha la Mwananchi

Mchezo wa Kimataifa wa kirafiki ambao Yanga ilipaswa kucheza Julai 27 uwanja wa Taifa kuhitimisha wiki ya Mwananchi, umesogezwa mbele ambapo utapangiwa tarehe nyingine

Kaimu Katibu Mkuu wa Yanga Dismas Ten amesema timu ya Taifa itacheza na Kenya kati ya Julai 26 na 28 katika mchezo wa kusaka tiketi ya kufuzu michuano ya CHAN inayohusisha wachezaji wa ndani

Hivyo kutokana na muingiliano wa ratiba, Yanga imelazimika kubadili tarehe ya wiki ya Mwananchi ambapo tarehe mpya itatangazwa baadae

Amesema timu itaendelea kujifua mkoani Morogoro kujiandaa na Tamasha hilo

Yanga imepanga kutumia Tamasha hilo kutambulisha kikosi chake cha msimu ujao