Viongozi wa Yanga wakiongozwa na Mwenyekiti Dk Mshindo Msolla jana walikuwa mkoani Morogoro kujionea maandalizi ya kikosi cha timu hiyo chini ya kocha msaidizi Noel Mwandila
Viongozi hao walieleza kuridhishwa na maandalizi hayo ambapo Mwenyekiti wa Kamati ya Mashindano Frank Kamugisha alisema kambi hiyo itasaidia Yanga kuwa imara kabla ya kuanza msimu wa ligi
Aidha alisema CAF itakapotoa ratiba ya mechi za ligi ya mabingwa, wanaweza kwenda kuweka kambi nje ya nchi kutegemeana na mazingira ya timu watakayopangiwa kucheza nayo
Yanga iko mkoani Morogoro tangu Julai 08 ikifanya mazoezi makali chini ya Mwandila
Mpaka sasa imecheza michezo miwili ya kirafiki na kufanikiwa kuibuka na ushindi kwenye michezo yote
Ilianza kwa kuifumua Tanzanite Fc mabao 10-1 kabla ya hapo jana kuichapa Moro Kids mabao 2-0
Wiki ijayo inatarajiwa kuelekea mkoani Dodoma kuikabili Dodoma FC
