Kiungo mshambuliaji wa Yanga Issa Bigirimana amekabidhiwa jezi namba 10 ambayo ilikuwa ikitumiwa na aliyekuwa nahodha wa timu hiyo Ibrahim Ajib ambaye ametimkia Simba
Ajib ameondoka Yanga akiacha rekodi ya kipekee msimu uliopita, akiibuka kinara wa pasi za mabao, akitoa pasi 17 za mabao huku mwenyewe akifunga mabao saba
Bigirimana amesema mpaka kusajiliwa na Yanga ina maana timu hiyo imejiridhisha na uwezo wake hivyo ataitendea haki jezi hiyo
"Yanga ina timu nzuri ambayo inakupa changamoto kama mchezaji kujituma mwenyewe. Ushindani utakuwa mkubwa, kila mchezaji ni mzuri hapa naamini tutafanya vizuri," amesema
Wakati Bigirimana akibeba jezi namba 10, mshambuliaji Sadney Urikhob amekabidhiwa jezi namba 17 iliyokuwa ikitumiwa na Amissi Tambwe
Juma Balinya chaguo lake lilikuwa jezi namba 18 wakati Maybin Kalengo amekabidhiwa jezi namba 19 iliyokuwa ikitumiwa na Heritier Makambo
Patrick Sibomana amechukua jezi namba 9, Mapinduzi Balama namba 7, Lamime Moro namba 25, Abdulaziz Makame namba 21, Ally Mtoni namba 3, Ally Ally namba 14, Marcelo namba 2 na Mustapha Suleyman yeye amekabidhiwa jezi namba 15
Mlinda lango Farouk Shikalo yeye atavaa jezi namba 1 wakati Metacha Mnata amechukua jezi namba 30
