Kocha Mkuu wa Yanga Mwinyi Zahera amesema Bodi ya ligi iligoma kusogeza mbele mchezo wa Yanga dhidi ya Ruvu Shooting uliopigwa leo uwanja wa Uhuru kwa kuwa timu ya Taifa ilipaswa kuingia kambini leo
Akizungumza na waandishi wa habari baada ya mchezo leo, Zahera alisema uongozi wa Yanga uliiandikia barua Bodi ya Ligi ukitaka mchezo huo usogezwe mbele kutokana na kutokuwa na muda wa kutosha wa kuiandaa timu kucheza leo
"Tuliwataarifu mapema kuwa hatutaweza kucheza leo kwa sababu muda uliokuwepo ni mdogo na tulipaswa kusafiri kutoka Botswana"
"Lakini walitukatalia, wakisema timu ya Taifa inapaswa kuingia kambini leo hivyo mchezo wetu hauwezi kusogezwa August 30"
"Lakini wenzetu Simba wameruhusiwa kucheza kesho August 29 wakati sisi walitukatalia kwa kuwa wachezaji wanatakiwa kuingia kambi ya timu ya Taifa leo"
"Kama Simba wamewaruhusu wachezaji wao kuingia kambini baada ya mchezo wa kesho, na sisi wangeweza kuturuhusu tucheze August 30 na baada ya mchezo huo wachezaji wangeingia kambini"
