Kocha Mkuu wa ZESCO United, George Lwandamina amesema mchezo dhidi ya Yanga hautakuwa mwepesi kutokana na mabadiliko yaliyofanywa na timu hiyo
Lwandamina aliyeondoka Yanga kurudi ZESCO mwaka jana na nafasi yake kuchukuliwa na Mwinyi Zahera, amesema timu yake pia ni mpya
"Timu iliyokuja ni mpya.. Kwa Yanga nafahamu wamefanya mabadiliko makubwa ya timu yao kuanzia uongozi mpaka wachezaji"
"Zaidi ya kijana wangu Noel Mwandila ambaye bado yupo, najua wana benchi jipya la ufundi pamoja na kusajili wachezaji wengine"
"Hivyo mchezo wa Jumamosi utakuwa na ushindani, kila timu itakuwa na nafasi ya kuonyesha ni kwa kiasi gani imepiga hatua"
Lwandamina aliifundisha Yanga kwa msimu mmoja na nusu akiiwezesha kutwaa ubingwa wa ligi kuu ya Vodacom msimu wa 2016/17
Hata hivyo changamoto za kiuchumi zilizoikumba Yanga mwaka 2017, zilimfanya kocha huyo arejee ZESCO United na nafasi yake kuchukuliwa na Zahera
