Kiungo mshambuliaji Mapinduzi Balama atakuwa nje kwa wiki mbili kuuguza majeraha ya paja aliyopata kwenye mchezo dhidi ya Zesco United
Balama aliyecheza namba mbili kwenye mchezo huo uliomalizika kwa sare ya bao 1-1, aliumia kwenye dakika ya 75 na nafasi yake kuchukuliwa na Ally Ally
Kocha Mwinyi Zahera huenda akalazimika kumtumia Juma Abdul kwenye mchezo wa marudiano dhidi ya Zesco nchini Zambia kwani Paulo Godfrey 'Boxer' nae bado hajarejea kikosini
Daktari wa Yanga Dk Edward Bavu amethibitisha kuwa Balama atakuwa nje kwa muda huo baada ya kufanyiwa vipimo na kubaini ukubwa wa jeraha lake
"Balama hatakuwa sehemu ya kikosi chetu kitakachorudiana na Zesco katika mchezo wa marudiano, ni baada ya kumfanyia vipimo na kuonekana amepata maumivu makubwa kwenye paja lake.
"Alipata majeraha hayo tulipocheza na Zesco katika mchezo wa kwanza wa hapa nyumbani ambao alishindwa kumalizia mechi hiyo baada ya kusikia maumivu kabla ya kuomba atolewe nje.
"Hivyo baada ya kufanyiwa vipimo akaonekana amepata majeraha makubwa, atatakiwa akae nje ya uwanja kwa muda wa wiki mbili zaidi lakini nafanya jitihada za kuhakikisha anapona haraka ili arejee uwanjani," alisema
