Mabosi wa Yanga wamepishana na maoni ya mashabiki wao wanaotaka Kocha Mkuu, George Lwandamina, atimuliwe wakisema hawajui wasemalo, kisha ghafla tu amejitokeza mdau mmoja wa klabu hiyo na kuamua kuwapa mzuka akina Ajibu.
Mdau huyo mwenye fedha zake aliyepo katika Kamati ya Mashindano, ameamua kuyanunua mabao yote ambayo Ibrahim Ajibu, Donald Ngoma, Obrey Chirwa na yatakayofungwa na wachezaji wengine wa Yanga kwa dau la Sh2 milioni kila bao.
Yanga imewashangaza mashabiki wake baada ya kucheza mechi tano za mwanzoni za Ligi Kuu Bara msimu huu na kufunga mabao manne tu, idadi ambayo ni ndogo kwa mechi za awali za watetezi hao wa VPL kwa misimu ya hivi karibuni.
Kutokana na kasi hiyo ndogo ya kutupia kambani ndiyo ikamfanya mdau huyo mwenye fedha zake kuamua kurejesha mzuka wa mabao Jangwani kwa kutangaza dau hilo, wakati Yanga ikijiandaa kuifuata Kagera Sugar mjini Bukoba.
Kabla ya mnene huyo kuamua kufanya hivyo, alikuwa akinunua kila bao la Yanga kwa Sh1 milioni, lakini baada ya kuona kasi ya safu ya ushambuliaji ya timu yake imelala ndio ameamua kuongeza dau kwa mechi zijazo.
Mechi ijayo ya Yanga mara baada ya mapumziko ya ligi kupisha michezo ya kimataifa, wataifuata Kagera Sugar nyumbani kwao mjini Bukoba, wakiwa na kumbukumbu ya ushindi wa mabao 6-2 msimu uliopita.
Taarifa kutoka ndani ya kikosi cha Yanga ni kwamba ahadi hiyo wamepewa wachezaji wa Yanga mara baada ya suluhu dhidi ya Mtibwa Sugar, nia ikiwa ni kuongeza kasi ya ufungaji kwa timu hiyo yenye mabao manne katika mechi tano.
“Tumepewa hiyo ahadi na bosi wetu, kiukweli imetuongezea morali sana na ametuambia ilikuwa aanze katika mchezo ya Mtibwa Sugar lakini sasa atafanya hivyo katika mechi dhidi ya Kagera na hapo hapo akatupa milioni moja taslimu, ametusisitizia tuzidi kupambana mabao yatakuja na tutulie tunavyofika golini,†alisema mmoja wa mastraika wa timu hiyo.
Meneja wao, Hafidh Saleh alithibitisha kuwepo kwa jambo hilo na kukiri kama vijana watakomaa ili kuzipata fedha hizo, ni wazi ule ukame wa mabao Jangwani utaisha na furaha itarudi kwa mashabiki.
“Taarifa hizo ni za kweli, vijana wapewa ahadi hiyo na kiongozi huyo ambaye amekuwa anapambana sana na kamati yao ya mashindano kuongeza morali ya wachezaji ili iwe juu. Tunaamini hii hali itaondoka na Yanga itafunga mabao katika kila mechi kwani dau limeongezwa na kuwa mara mbili yake,†alisema.
Kwa hisani ya Mwanaspoti
Mdau huyo mwenye fedha zake aliyepo katika Kamati ya Mashindano, ameamua kuyanunua mabao yote ambayo Ibrahim Ajibu, Donald Ngoma, Obrey Chirwa na yatakayofungwa na wachezaji wengine wa Yanga kwa dau la Sh2 milioni kila bao.
Yanga imewashangaza mashabiki wake baada ya kucheza mechi tano za mwanzoni za Ligi Kuu Bara msimu huu na kufunga mabao manne tu, idadi ambayo ni ndogo kwa mechi za awali za watetezi hao wa VPL kwa misimu ya hivi karibuni.
Kutokana na kasi hiyo ndogo ya kutupia kambani ndiyo ikamfanya mdau huyo mwenye fedha zake kuamua kurejesha mzuka wa mabao Jangwani kwa kutangaza dau hilo, wakati Yanga ikijiandaa kuifuata Kagera Sugar mjini Bukoba.
Kabla ya mnene huyo kuamua kufanya hivyo, alikuwa akinunua kila bao la Yanga kwa Sh1 milioni, lakini baada ya kuona kasi ya safu ya ushambuliaji ya timu yake imelala ndio ameamua kuongeza dau kwa mechi zijazo.
Mechi ijayo ya Yanga mara baada ya mapumziko ya ligi kupisha michezo ya kimataifa, wataifuata Kagera Sugar nyumbani kwao mjini Bukoba, wakiwa na kumbukumbu ya ushindi wa mabao 6-2 msimu uliopita.
Taarifa kutoka ndani ya kikosi cha Yanga ni kwamba ahadi hiyo wamepewa wachezaji wa Yanga mara baada ya suluhu dhidi ya Mtibwa Sugar, nia ikiwa ni kuongeza kasi ya ufungaji kwa timu hiyo yenye mabao manne katika mechi tano.
“Tumepewa hiyo ahadi na bosi wetu, kiukweli imetuongezea morali sana na ametuambia ilikuwa aanze katika mchezo ya Mtibwa Sugar lakini sasa atafanya hivyo katika mechi dhidi ya Kagera na hapo hapo akatupa milioni moja taslimu, ametusisitizia tuzidi kupambana mabao yatakuja na tutulie tunavyofika golini,†alisema mmoja wa mastraika wa timu hiyo.
Meneja wao, Hafidh Saleh alithibitisha kuwepo kwa jambo hilo na kukiri kama vijana watakomaa ili kuzipata fedha hizo, ni wazi ule ukame wa mabao Jangwani utaisha na furaha itarudi kwa mashabiki.
“Taarifa hizo ni za kweli, vijana wapewa ahadi hiyo na kiongozi huyo ambaye amekuwa anapambana sana na kamati yao ya mashindano kuongeza morali ya wachezaji ili iwe juu. Tunaamini hii hali itaondoka na Yanga itafunga mabao katika kila mechi kwani dau limeongezwa na kuwa mara mbili yake,†alisema.
Kwa hisani ya Mwanaspoti
ADVERTISE HERE
