Baada ya kuanza msimu kwa kufungwa na jana kulazimishwa sare ya mabao 3-3, matokeo hayo hayawafurahishi mashabiki wa klabu ya Yanga
Ni matokeo yaliyowaumiza Wanayanga ambao bado wanasubiri furaha ya kudumu kutoka kwa timu yao
Hata hivyo bado ni mapema sana kukata tamaa kwani pamoja na kutopata ushindi, kiwango cha timu kimeendelea kuimarika
Yanga bado ina michezo 36 ya kuwania ubingwa
Kuanza na mwanzo mbaya sio tatizo, muhimu ni kujipanga kuhakikisha timu haiendelei kufanya makosa.
Nakumbuka msimu uliopita hata Simba iliyotwaa ubingwa ilianza hivi
Katika mechi zao tatu za mwanzo, walishinda mechi moja tu dhidi ya Prisons
Walitoka sare na Ndanda Fc na baadae kuchapwa na Mbao bao 1-0
Keshokutwa Yanga inarejea uwanja wa Uhuru kuikabili Coastal Union
Mchezo huo unawapa wachezaji nafasi ya kurejesha furaha ya mashabiki kwa kuibuka na ushindi
Kwani ili Wanayanga waendelee kuiunga mkono timu, wanahitaji furaha
