Baada ya msimu uliopita kuvunja mwiko wa kutopata matokeo dhidi ya Mbao Fc kwenye uwanja wa CCM Kirumba, kocha Mwinyi Zahera ameahidi kuendeleza rekodi ya ushindi katika mchezo utakaozikutanisha timu hizo Jumanne
Akiwa na siku mbili tu tangu arejee kutoka DR Congo, Zahera anakiandaa kikosi chake jijini Mwanza kuelekea mchezo huo
Habari njema kwa Yanga ni kurejea kwa wachezaji wake muhimu ambao walikuwa majeruhi
Katika mazoezi yaliyofanyika uwanja wa Nyamagana leo asubuhi, wachezaji ambao walikuwa majeruhi wakiongozwa na Kelvin Yondani, Lamine Moro, Patrick Sibomana, Paul Godfrey na Sadney Urikhob wote walishiriki kikamilifu mazoezi hayo
Yanga inakabiliwa na mchezo wa kwanza wa mtoano kombe la Shirikosho dhidi ya Pyramids Fc Oktoba 27, ushindi dhidi ya Mbao Fc utaongeza morali ya wachezaji kuelekea mchezo huo
